Home » 家用脫毛機vs美容院做脫毛

家用脫毛機vs美容院做脫毛

808nm脫毛

夏天提早黎左,各位絲打記住脫左毛先啊~~~
因為我兩樣都試過而發現兩者都各有利弊之處,依家分別講一講有咩分別~
 
 

百靈牌彩光脫毛機

家用脫毛機優點: 方便、輕巧、隨時隨地就能輕鬆脫毛 

由於市面上能買到既家用脫毛機都係手提形式,比較輕所以拎上手唔困難。唔需要好似美容院咁要預約時間,只要自己mark好日子就可以每次相隔1個月自己在家脫毛,非常方便。
 

家用脫毛機缺點: 脫毛需期較長、可脫位置受限制

市面上的家用脫毛機都係彩光黎,彩光原本都比激光較為慢,家用機比美容院既機更長日子先可以脫得乾淨,因為我曾經買過百靈牌既彩光脫毛機使用長達3年,每次都係相隔1個月脫全身直至發數用完都未能脫清。另外,家用脫毛機都唔一定全部位置能脫,皮膚位置暗沉既地方係脫唔到,例如比基尼位等。
美容院激光脫毛

美容院做脫毛優點: 脫毛只需大約一年、效用較高

因為大部份美容院都使用激光脫毛,包括755/808/810nm等,激光比彩光既效能更高,需期都較短。美容院既脫毛機全部位置都可以脫,而且脫毛師都有經過培訓後應對不同情況下判斷能否幫客人脫毛。因為當我用完家用機後,我去某一間美容院進行808nm既脫毛療程後,一年就脫清… 生出黎都只係好淺色又好幼既細毛(屬於正常)。

美容院做脫毛缺點: 較貴、需預約

比起家用脫毛機,美容院既療程係跟格數/大小部位買,相對較貴。而每次都要預約,要特登出去美容院脫,做唔到「隨時隨地」脫毛。

總結:

兩者比較後,個人比較建議俾貴少少出去做脫毛更好,因為自己脫毛前剃毛試過多次有甩皮、流血、倒生毛同變黑情況出現。雖然要預約,但係美容院會幫你跟進情況同唔洗自己記時間有人提你去脫毛。以前既我以為755應該會比808/810nm既激光更好(因為好多美容院係755nm),但後來發現755/808/810nm都係適合亞洲人使用,所以冇所謂~

發佈回覆

你的電郵地址並不會被公開。 必要欄位標記為 *