香港人無論係夏天定冬天都好中意打邊爐,除咗港式嘅邊爐之外,台式火鍋一定係人氣之選。
常見嘅湯底大多數有麻辣鍋﹑酸菜鍋同藥膳鍋等等,而小食當然唔少得嘅就係鴨血。

疫情期間,主打一人一鍋嘅餐廳越嚟越多,唔單止衛生啲,而且仲可以揀自己中意嘅湯底。
呢一間位於佐敦火鍋集中地”莊士倫敦廣場”嘅台式火鍋主打一人一鍋,所有火鍋價錢一樣,有飯/粉絲同埋指定飲品,午市$88最平就有交易,亦可以加$7將飯或者粉絲升級做滷肉飯或烏冬。
同佢地嘅餐廳名一樣,一共有十二款鍋,而其中一款係期間限定,今期就係芫荽鍋。餐廳超過一半嘅配料都係台灣直送,
包括麻辣鴨血、臭豆腐。暫時冇得去旅行住,唯有嚟十二鍋食下台灣嘢頂住先啦
佢地嘅湯底用咗雞殼、豬皮及竹庶等慢火熬製至少八個鐘,有豐富的膠質同埋帶出咗清甜嘅味道
有四款醬料比大家,分別係蒜蓉、辣椒油、豆瓣醬、沙茶醬,我自己就覺得就咁食已經好夠味。
台式麻辣鍋湯底由新鮮磨成嘅青花椒、指天椒、辣椒乾同豆瓣醬同牛油炒香而成,香濃麻辣。主要嘅配料有牛肉,麻辣鴨血,爆汁牛丸﹑蛋餃﹑芝士魚豆腐同蜂巢豆腐等等,大部份食材都好吸汁,一食落口已經感受到果一朕麻香
另一款我地就嗌咗佢地嘅期間限定”芫荽鍋”,除咗面頭有一大堆芫荽之外,仲有一球芫荽醬,清新得嚟又有濃濃嘅”荽”味,配雞肉好夾
餐廳同時提供唔同嘅火鍋配料比食客加配,一定要試下台灣芋泥貢丸,入面有滿滿嘅芋泥,好有芋香。另外爆汁牛筋丸都係唔可以錯過
除咗火鍋之外仲有一啲台灣小食,極力推薦台灣直送嘅「夜市雞皮捲」,雞皮捲用雞皮包住雞肉,香脆而且肉汁豐富

麻辣鴨血夠晒麻香,入口Q彈!

飲品方面亦有唔同嘅茶類、果汁梳打及奶雪選擇。店員推薦佢地新推出嘅乾果茶,
入面有檸檬乾﹑金桔乾同鮮熱情果,好適合呢個炎熱嘅夏天

地址: 佐敦彌敦道219號莊士倫敦廣場地下4&5號舖
電話: 26692118

4 thoughts on “”

發佈回覆

你的電郵地址並不會被公開。 必要欄位標記為 *